आठ चेम्जोङ सम्मानित हुदै।

थाक्थाकु माबोहांग चेम्जोङ वंश उत्थान संघ केन्द्रिय समितले यहि मिति २०७० साल चैत्र २९ गते विविध क्षेत्रमा विशिष्ट योगदान पुर्याएका चेम्जोङ्ग वंशका विभिन्न व्यक्तित्वहरुलाई सम्मान गर्ने कार्यक्रमको आयोजना गर्दैछ। प्रज्ञा श्री बैरागी काईला(तिल बिक्रम नेम्बांग) को प्रमुख आथित्यमा हुन गईरहेको उक्त कार्यक्रममा बिगत देखि वर्तमान सम्म विभिन्न क्षेत्रमा क्रियाशील रहि महत्वपूर्ण योगदान पुर्याएका चेम्जोङ वंशका आठ जना व्यक्तित्वहरुलाई सम्मान गर्ने कार्यक्रम रहेको संघको महासचिब जितेन्द्रराज चेम्जोंगले बताउनु भएको छ। ललितपुर जिल्लाको गोदावरीमा आयोजना हुन गईरहेको उक्त कार्यक्रममा मन्जुलकुमार याक्थुंगबा, येहांग लावती, अमर तुम्यांग लगायतका व्यक्तित्वहरुको उपस्थित रहने जानकारी प्राप्त भएको छ। सोहि दिन काठमाडौँ उपत्यका चेम्जोङ सयंगले काठमाडौँ उपत्यकामा रहेका चेम्जोङहरुको बनभोज कार्यक्रम समेत आयोजना गर्दैछ।